Pangatlong araw na niya ngayon sa apartment ni Naarah. Maaga siyang naligo at nagbihis dahil sasamahan siya ni Mackoy. May nakita daw itong trabahong puwede sa kaniya. Sasamahan siya nito. Sa tapat ng mall sila sa Divisoria magkikita kaya dumeretso na siya doon. May mga damit siya dito kasi nasamahan siya ni Naarah kahapon sa bahay nila kumuha ng ilang piraso. Habang wala pa kasi siyang trabaho, inalok siya ng dalaga na tumulong sa barbecuehan nito.
Napangiti siya nang makita niya si Mackoy na nakaupo sa baytang ng hagdan sa harap ng mall na iyon. Iginiya siya nito papasok sa isang restaurant malapit sa mall. 'Yon pala ang tinutukoy nito sa kan'ya. Marami ang kumakain ng mga sandaling iyon. Lumapit sila sa isang staff at tinanong kung nasaan ang manager. May dala siyang resume nang mga sa
