Hindi mapigilang mapasinghot ni Axel nang makita sa screen ang wedding video nilang mag-asawa. Siya yata ang may pinakamaraming katangahang ginawa no'ng araw na 'yon. Hinimatay pa siya nang marinig ang I do ng asawa. Buti na lang nakapaghintay ang pari na nagkakasal sa kan'ya.
Imbes na agapan siya ng mga kaibigang malapit lang sa altar pinagtawanan pa siya. Si Helena lang yata ang umagapay sa kan'ya. Kung hindi lang yata dahil sa pinaamoy sa kan'ya, hindi siya magigising.
Mahigit limang minuto lang naman siyang nawalan ng malay tapos balik na ulit sa altar.
Parang gusto niyang durugin ang camera ni Caleb na kinuhanan siya habang walang malay. Wala siyang marinig sa video na nanggaling dito kung hindi ang halakhak nito at ng ibang kaibigan. Nakaganti na nga ito sa kan'ya. Sobra pa!
