Araw ng day-off niya noon. Gabi pa lang ay nasa bahay na nila si Axel. Pagdating niya sa bahay nila mula sa trabaho ay nandoon na ito. Hindi nga nito binigo ang anak niya. Marami din itong pasalubong sa anak na mga laruan.
Maaga silang bumiyahe kinabukasan papuntang Tagaytay. Unang beses niya lang din sa amusement park na iyon kaya na-amaze siya. Lalo na ang anak. Halos yata ng rides nito, kaso minsan bumabagsak ito sa height requirements.
Wala naman siyang ginawa kung hindi ang panoorin ang kan’yang mag-ama. Masarap sa pakiramdam kapag kompleto ang pamilya. Alam niyang ipinagkait niya iyon kay Lexxie pero gusto niya ng kasiguruhan. Kung sakali mang ikasal si Axel sa amo niya, gusto niyang kilalanin ng binata ang anak. Kahit wala ng suporta basta, masaya na siya. Kahit na sinasabi lagi
