"J-Jerlyn?!" hindi makapaniwalang sambit ni Helena nang makilala ito.
Nakasuot siya ng makapal na jacket na may hood. Ang laki ng ibinagsak ng katawan nito. Hindi niya maiwasang magtaka kung bakit ito narito.
Diba, dapat nasa kulungan ito dahil tauhan ito ni Winona?
"A-anong ginagawa mo dito? A-at paano mo nalamang dito kami nakatira?"
Tumitig lang ito sa kaniya. "Mag-ingat kayo, Helena."
Napaawang siya ng magsalita ito. Napaka-seryoso ng mukha nito. Bumalik na naman ang kaba sa dibdib niya. Para yata siyang Magkakasakit sa puso sa mga nangyayari ngayon.
Napapitlag pa siya nang may bigla itong isinuksok sa kamay niyang nanlalamig sabay alis sa harapan niya. Pakanan ang direksyon nito.
Tatawagin niya sana ito nang mahagip si Dennis sa kaliwang bahagi niya. Bumaling siya kay Jerlyn.
