Chapter 37
HINDI MAPIGILAN ni Mildred na malungkot sa pagkaalis ni Suyen na tinuring din niyang kaibigan kahit pa alam niyang hindi ‘yon ang tunay niyang kaibigan na si Beatrice. Nong gabing umalis si Suyen agad ding umalis si Nikolai para sundan ito. Nararamdaman niya at alam niyang may pagtingin na ang dalawa sa isa’t isa, hindi na niya mababago ‘yon.
Malakas ang ulan dahil sa masamang panahon at pinagdadasal niya na sana makabalik agad ang dalawa. Wala pang ilang minuto nang makaalis si Nikolai nang may dumating na karwahe, dahil sa galak na baka nakuha na si Suyen ay agad siyang lumabas ngunit natigilan siya nang mapansing hindi ito ang karwahe ng kanyang amo.
Tulog na ang lahat at siya na lang ang tanging gising sa mansyon para hintayin ang dalawa. Bumaba si Cosette mula sa karwahe
