"ANAK, bago ko kayo ng mga kambal mo sa PMA ay nais muna kitang tanungin. At sana ay sagutin mo ako ng totoo. Iyan ba ang tunay mong damdamin o ang pagpasok sa military division? Wala bang kinalaman iyan sa paghihiganti mo sa mga taong nakagawa ng kasalanan sa iyo? Kung buong-puso ang iyong desisyon ay ganoon din ang gagawin namin ng Mommy mo sa pagsuporta sa iyo."
Isang umaga ay saad ni Art Dos sa bunsong anak. And yes, acceptance from PMA ang dumating na sulat sa tahanan nila ilang araw ang nakalipas. Wala namang problema roon dahil kahit kailan ay hindi sila nakialam sa daang tatahakin ng mga anak.
"Tama ang Daddy mo, anak. Alam nating lahat na gustong-gusto mong maging negosyante balang-araw. Kaya't hindi mo kami siguro masisisi kung naitanong iyan ng Daddy mo. Maging tapat ka sa iyo
