"UMALIS kayo sa harapan ko kung ayaw ninyong mamatay sa aking baril!"
Madilim ang mukha at kuyom na kuyom ang mga palad. Kung manununtok ay siguradong mawawalan ng ulirat.
"Sir, mas nanaisin pa naming lahat na mamatay sa palad mo kaysa sa iba. Dahil wala ng ibang mas nakakaunawa sa iyong damdamin kundi kaming nakasama mo noong mga beginners pa tayong lahat. Magkakasama na tayo sa promosyon man o disgrasya. Kaya't makinig ka sa amin sa pagkakataong ito."
"Walang kapatawaran ang ginawa nila kay Art VII, totoo iyan. Ininsulto at ipinamukha ang pagkamahinhin o pagka-feminine nito. At humantong nga sa ganitong sitwasyon. Pero, Lieutenant General, hindi ba pumasok sa isipan mong sinasadya nila ang lahat upang galitin ka? Sige, gawin mo ang gusto mo, Sir, pero sa oras na ginawa mo iyan ay pina
