LUMIPAS pa ang mga taon sa buhay nilang lahat.
"Bunso, tigil-tigilan mo nga ako. Aba'y mas mabuti pang mag-isa ako sa buhay kaysa magkaroon ng sakit sa ulo eh," nakangiwing angal ni Surene.
Alam na alam niya kung saan siya nito dadalhin. Mag-hunting daw sila ng aasawahin niya sa Ilocos Sur kung saan nakapag-asawa ang isa sa quadrouplet. She's already forty. At wala pang asawa. Wala namang problema sa bagay na iyon. Dahil hindi naman basta pinupulot sa kalsada ang lalaking maghaharap sa altar.
"Ako muna ang Ate ngayon, sister. Look at me and Marcus John. Hindi maaring mag-asawa pero may mga ampon na maaring mag-alaga sa amin sa pagtanda. Si Kuya Thirdy ay may dalawa na ring anak kaso talagang dumarami ang lalaki. Dahil pawang barako. At ikaw, ay nararapat lamang na mag-asawa. Kaya't hali
