Ang buong akala ni Aarah ay madumi at madilim ang pinagdalhan sa kaniya ni A dahil nga stock room. Pero mali pala siya ng pagkakaintindi sa salitang "stock room". Sa halip na matakot ay namangha si Aarah nang makitang halos triple ang ganda at ayos niyon kumpara sa barung-barong nila.
"Stak rum n'yo lang 'to?" hindi makapaniwalang tanong ni Aarah habang inililibot ang tingin sa malawak at malinis na paligid. "Konti na lang, mansiyon na itong maituturing sa lugar namin."
"Dito namin itinatambak ang mga lumang gamit na pinapamigay namin sa mga charities," paliwanag ni A.
"Waw! Talaga? Baka naman may maarbor ako rito. Ibibigay ko lang sa pamilya kong mukhang pasalubong pero mahal na mahal ko." Ngumisi si Aarah nang may nakita siyang backpack. Nakatambak na pero mukhang hindi pa gamit. "A
