Gustong matawa ni Aarah sa dami ng pinagdaanan niya sa loob ng isang buwan. Noong una, nakidnap sila ni Clara at napunta siya kay Tio Jose. Niligtas siya ng bestfriend niya at napunta siya rito sa mansiyon ni Bernard. Kung saan, dito sa mansiyon napatunayan niya na hindi pala lahat ng "sandata" ng mga lalaki ay puro talong. Kundi may hugis saging din. At saka muntikan na niyang maiwala ang virginity sa nakakatawang sitwasyon.
Pagkatapos ay nakidnap naman sila ni Clara at nalaman ni Aarah na pinaglihiman pala siya ng bestfriend niya. Pinaglihiman siya ng mga tao sa mansiyon.
Siguradong iisipin ng pagkukuwentuhan niya na baliw siya. Parang sa pelikula o teleserye lang nangyari ang lahat. Parang sa libro lang. May drama, may comedy, may action, may kalandian...
Napapailing na lang si Aarah
