Halos hindi magkaundagaga si Clara sa pag-asikaso ng sarili. Kanina pa siya papalit-palit ng damit at nagpaikot-ikot sa harap ng salamin. Gusto niyang maging maganda ngayong araw. Dahil ito ang pinakahinintay niyang araw sa loob ng limang taon.
Nang makuntento sa sarili ay lumabas na ng kuwarto si Clara. Mula sa sala ng bungalow house na tinitirhan nila sa Maynila, ay naabutan niya ang apat na taong anak na si Marikit, na tila tinuturuan ng dalawang ninang na sina Erin at Aarah sa pagsusulat.
"Okay na po ba ito, ninangskie? Ninongskie?" matatas na tanong ni Marikit sa mga kaibigan ni Clara.
Apat na taon lang si Marikit pero masiyado na itong madaldal. Magaling na rin itong magsulat. Matalino rin si Marikit kaso may kapilyahan lang. Si Aarah lang ang itinuturing nito na ninang. Ninong
