Napakisap si Clara nang bigla siyang sikuhin ni Erin. Habang si Aarah naman ay lumapit sa upuan at kinausap si Bernard mula sa bintanang nakabukas ng kaunti.
"Hayaan mo muna kami, besie, ha. Tingnan natin kung kilala ba ni Marikit ang tatay niya," may halong biro na saad ni Erin.
Napatingin sa kaniya si Bernard at tila makahulugan siyang kinindatan. Gayon pa man, hindi maitago sa mukha ni Bernard ang matinding kasiyahan at excitement habang tinitingnan silang dalawa ni Marikit. Kasiyahan at excitement na katumbas ng nararamdaman din ngayon ni Clara. Kulang na nga lang ay sugurin niya ito sa bintana para yakapin at halikan.
Mukhang kagaya rin ng sinabi sa kaniya ni Erin ang sinabi ni Aarah kay Bernard. Kaya kahit gustong-gusto man ni Clara na sugurin ng yakap si Bernard ay nagpigil muna
