"Hindi ka niya talaga nakilala, Pareng Dean?"
Hindi alam ni Clara kung ilang beses na niya iyong tinanong kay Dean. Hanggang ngayon kasi ay hindi pa rin makapaniwala si Clara sa sinabi nito, na parang ibang tao raw talaga si Bernard.
"Hindi talaga, mare. Simpleng 'I'ts okay' lang ang sinagot niya nang magtanong ako if puwede bang pumuwesto sa tabi niya," matiyagang pagkukuwento ulit ni Dean. Napahawak na naman ito sa batok. "Feeling ko nga, napagkamalan pa niya akong bakla na nagpapapansin sa kaniya. Basta kaswal lang siyang nakikipag-usap sa'kin. Ni hindi siya nag-react nang kunwaring nadulas ako at nasabi kong 'nandito nga rin pala si Clara'. Parang wala lang. Alam mo 'yon."
"Baka naman nagpapanggap lang talaga siya, Pareng Dean?" tanong ni C habang nagda-drive. Pauwi na sila ng mga o
