Kumakain sila ng lunch nang may narinig silang nagsisigawan sa labas. Nagkibit-balikat lang sina Clara, Aarah at Erin. Kilala na nila kung sino ang mga nagsisigawan. At sanay na sila.
"Labasin mo nga, pare, kung anong kaguluhan ang nasa labas," nag-aalalang utos ni Bernard kay C.
"Huwag ka ng mag-abala, labs," pigil ni Clara. "Away magjowa lang 'yan. At lagi-laging nag-aaway ang mga 'yan. Sanay na ang mga tao rito sa pag-aaway nila."
Kumunot ang noo ni Bernard. "Anong ginagawa ng barangay? Ni Kapitan Mais?"
"Nagtatago sa likod ng mga tanod niya," pagkukuwento ni Aarah. "Sa mga tanod niyang mas malalaki pa ang batutang dala."
"Paano naman kasi matatakot ang mga tao kay Kapitan Mais?" segunda pa ni Erin. "Bukod sa laging nakangiti kahit galit na, parang jowk pa ang pangalan. Kapitan Ma
