"It's good to be home," hindi napigilang wika ni Bernard sa sarili, nang makarating sa tapat ng gate na halos thirteen years din yata niyang ibinaon sa limot.
Ito ang mansiyon nila sa Iloilo, kung saan ay lumaki si Bernard. Simula nang umalis dito si Bernard noong twenty one years old lang yata siya, at pag-aralin nang mag-isa ang sarili ay hindi na siya muling nakabalik pa rito. Noong mamatay naman ang kaniyang Daddy Caloy ay sa crematorium na sila nagkitang mag-ina at mga kapatid.
At ngayong nakatapak nang muli si Bernard sa kanilang tahanan, hindi lang sakit at lungkot ang bumalik. Pati na rin ang pangungulila sa pamilya ay nakakapagtakang naramdaman iyong muli ng binata. Kaytagal niyang inakalang wala na siyang natitira pang pagmamahal sa mga taong kahit kailan ay wala ring pagmamah
