NILAPITAN niya ang guard at kinuha ang iniaabot nito. At hindi niya alam kung bakit pero bigla siyang kinabahan. Tama ito, sa kanya nga nakapangalan ang sobreng kulay puti na katamtaman lang ang laki. Atubili man pero wala naman siyang choice kung hindi kunin iyon.
"S-salamat ho, Kuya," aniya sa gwardiya pagkatapos ay ipinagpatuloy na niya ang pagpunta sa elevator. Hindi niya binuskan ang sobre hanggang hindi siya nakakapasok sa kanyang unit.
Umupo siya sa gilid ng kama at binalibaligtad ang sobre pagdating niya roon. Umaasa siyang may makikita siyang pangalan kung kanino iyon galing pero wala. Tanging recipient na pangalan niya ang nakita niya roon.
"Kanino kaya galing 'to? Saka sino naman ang magpapadala sa akin ng sulat?" aniya sa sarili. Sa gitna ng pag-iisip ay maingat niya iyong
