HINDI siya maaaring magkamali. Si Lia ang babaeng kasalukuyang sumasayaw. Kulang na lang ay mapanganga siya sa hindi inaasahang makikita. Halo-halo ang nararamdaman niya nang mga sandaling iyon. Para siyang nakakita ng multo dahil sa tindi ng pagkagulat. Wala sa loob na napatayo siya mula sa kinauupuan. Tulalang napatitig sa babaeng sa pagpihit ng mukha ay napabaling na rin ang mata sa kanya. Ngumiti ito. Hindi siya kumukurap dahil maging ang pagngiti nito ay kuhang-kuha ang ngiti ni Lia. Paanong nangyari na buhay ito sa kabila ng maraming taong nakalipas, at ni hindi man lang naisipang magpakita sa kanya o kaya ay kay Dominique?
Magaling gumalaw ang babaeng nasa entablado. Kagaya rin ni Lia noon dahil isa itong professional ballerina. Lahat ng lalaking naroon ay walang duda na ito ang p
