NANG mga sumunod na araw ay naging abala sina Althea at Dim sa paghahanda para sa kasal. Mayroon silang wedding coordinators pero mas gusto niyang tutukan ang preparasyon para sa napaka-espesyal na araw na iyon sa buhay nila ng kasintahan.
"Hon, are you ready? I'm on my way there, susunduin na kita." Nakabihis na siya at hihintayin na lang sana ang pagdating ni Dimmitry. Papunta sila sa couturier na kakilala ng kanyang Mama para tumingin ng kanyang gown. Magpapatahi sana siya pero naisip nilang tumingin na lang ng mga ready to wear, lalo na't wala ng isang buwan ang petsa ng kanilang kasal. Tutal ay marami naman diumanong displays sa boutique ng kaibigan ng kanyang Mama.
"Hon, I can't make it today, e. Kailangan kong pumunta ng opisina," mahina niyang sabi rito sa kabilang linya. Ang t
