"KUNG wala ka ng ibang sasabihin ay aalis na ako." Kinuha niya ang bag at hahakbang na sana paalis pero muli siyang tinawag ni Dominique.
"Here, ipakita mo sa fiance mo at siya mismo ang tanungin mo kung hindi nga siya 'yan. Believe mo or not pero concern lang ako sa 'yo, Thea. Ayoko lang na masaktan ka," anito na nakakapagtaka at pinaniwalaan niya. Kinuha niya ang picture na iniaabot nito at isinilid niya sa kanyang bag.
Paglabas ng opisina ni Dominique ay hindi siya dumaan sa cubicle ni Lovi. Ayaw niyang makita ng kaibigan ang kanyang pag-iyak. Ang ibang empleyadong nakakita sa kanya ay iniisip lang marahil na napagalitan siya ulit ng kanyang boss kaya siya umiiyak. Anyway, wala naman siyang pakialam sa mga ito.
Nagpunta siya sa comfort room malapit sa elevator kung saan walang mas
