SARI-SARING tanong ang bumangon sa kanyang isip. Kanino nakuha ni Althea ang larawan na iyon? At sino ang kumuha noon para ibigay sa dalaga? Nagngalit ang bagang niya nang sumalit sa isip niya ang kakambal. Sigurado siyang ito ang nagbigay noon kay Althea, at marahil ay iyon ang totoong dahilan kung bakit lamang nito pinapasok ang dalaga. Hinaplos niya ang buhok ng kasintahan. Siguradong galit ito sa kanya ngayon. Siguradong masama ang loob nito sa kanya kaya siya nito pinaunang umuwi. At sigurado din siyang ito ang dahilan ng pag-iyak ni Thea. Tumayo siya, dala ang picture na nakita niyang hawak ni Thea ay lumabas siya ng silid. Makakapagpaliwanag siya kay Thea kahit anong oras pero hindi na siya makakapaghintay na komprontahin ang kapatid. Kailangang magkaharap sila nito at malaman niya
