HINDI niya kayang ipaliwanag ang nararamdaman niya nang mga sandaling iyon. Bakit aalis si Althea nang walang pasabi sa kanya at dala pa ang lahat ng gamit? Ilang sandali siyang napaisip. Maya-maya ay dali-dali siyang bumaba papunta sa guard. Siguradong nakita nito ang ginawang pag-alis ni Althea.
"Yes, Sir, kaninang hapon pa ho umalis si Ma'am, kasama ho 'yong kaibigan niyang babae." Bigla ay na nabuhayan siya ng loob. Iisa lang ang nasa isip niya nang mga sandaling iyon. Sigurado siyang si Lovi ang kasama ni Althea. Pero bakit ito umalis? Kaninang umaga lang ay okay pa naman sila. Sinabi niyang ito na lang ang pumunta sa simbahan dahil may aasikasuhin siyang importante. Lingid dito ay tiningnan niya ang bahay na ireregalo niya rito pagkatapos ng kanilang kasal. Nasa Laguna iyon malapit
