"OH, GOD, ano 'to?" aniya kasunod ay napatutop siya ng dalawang kamay sa sariling bibig. Kapagdaka'y nangilid din ang kanyang mga luha. Paano ba naman kasi ay nasa tabing-dagat ang buo nilang pamilya. May naka-set up doon na animo'y para sa isang event na wala naman siyang idea kung ano. Wala naman siyang natatandaang okasyon. Wala rin namang miyembro ng pamilya nila ang may birthday.
Ayaw niyang isipin pero ang ayos ng lugar na kinauupuan ng kanilang pamilya at ilang piling kaibigan, ay katulad ng ayos ng mga napapanood niya sa series na mga beach wedding. Ang mga upuan ay napapalamutian ng mga telang puti at sa likuran noon ay may mga bulaklak. May parang maliit na altar din na may arch na siyang pinakamalapit sa dagat.
"Sabi mo natatakot ka na na magplano ng kasal, 'di ba? So, ito
