NAGISING si Althea na nasa isang silid siya pero hindi pamilyar sa kanya. Dahan-dahan ay inikot niya ang paningin kahit parang naliliyo siya.
"Gising na siya!" Narinig niyang sabi ng boses ng pinsan niyang si Cris. Sunod ay mga humahangos na yabag ang kanyang narinig. Una niyang nasulyapan ang kanyang mga magulang, sunod si Dim, Paolo at Thea na pawang pag-aalala ang nababasa niya sa mga mukha.
"Hija, kumusta ang pakiramdam mo, anak? May masakit ba sa 'yo? Tell me, hija," alalang-alalang tanong ng kanyang Mama na hinahaplos pa ang kanyang ulo.
"N-nasaan ba ako, Mama? Ano ba'ng nangyari?" naguguluhan niyang sabi.
"Nasa ospital ka, hija, nag-collapse ka kanina sa office mo. Now tell me, ano ba'ng nangyari?" Iginala niya ang mga mata at bigla niyang naalala ang nangyari. Gayunman ay ib
