"ANONG ginagawa n'yo rito?" tanong ng binata sa mag-ina habang sagad ang ngiting pinaglilipat-lipat ang tingin sa bata at sa ina nito.
"May kinita lang kaming kaibigan sa malapit, nagutom ang bata kaya nandito kami ngayon para kumain," sagot ng babae na kay tamis din ng ngiti kay Dimmitry.
"Gano'n ba?"
"Oo, kaso mukhang wala ng table," sabi nito na kunwa'y iginala pa ang paningin sa kabuuan ng fastfood. Umismid siya sabay yuko para hindi siya nito mahalata. For sure ay gusto lang nito na sumalo sa table nilang magkasintahan.
"Tito, Dim, pwede po bang maki-share kami ni Mommy sa table n'yo po?" anang bata sa nakakaawang anyo. "Please po? Gutom na gutom na po kasi ako, e," sabi pa nito na hinilot pa ang tiyan. Tiningnan siya ng kasintahan na para bang hinihingi ang kanyang permiso. Hi
