Eunah
NATAPOS ang hapunan namin na puno na nang tawanan at mga biruan. Napag-usapan din ng maayos ang papalapit naming kasal ni Damiel, at sa susunod na buwan na ito.
Nag-request si Lola na kung maaari ay dito na lamang ganapin ang kasalan sa Bulacan, tutal naman daw ay doon kami maninirahan sa Tanay Rizal habambuhay. Nag-request din siya na kung maaari ay manatili na muna kami ngayon dito habang bakasyon pa at hanggang sa makaraos ang aming kasal.
Pagtapos niyon ay pwede na kaming bumukod. Pabor naman sa akin iyon dahil magkakaroon pa kami ng pagkakataon ni Papa na magkasama nang matagal-tagal bago man lang ako ikasal. Pumayag din naman kaagad si Damiel.
"Dito na lang din ako uuwi. Malapit lang naman 'to."
"Sigurado ka?" tanong ko sa kanya habang pinupunasan ko ng basang towel ang
