Eunah
HUMINGA ako ng malalim sa harap ng salamin. Ito na ang kauna-unahang hearing na kakaharapin ng Papa ko ngayon. Naririto na kami ngayon sa hukuman. Gumamit lang ako sandali ng restroom dahil kanina pa kumakabog ng malakas ang dibdib ko. Naihi ako dahil sa labis na kaba.
Hindi naman ako ang sasalang sa tanungan mamaya kundi si Papa, pero labis ang kabang nararamdaman ko ngayon.
Inayos ko lang ang sarili ko sa harap ng salamin at kaagad na ring lumabas. Naghihintay naman sa labas si Damiel at dalawa sa mga bodyguard namin.
"Okay ka na?" Kaagad niyang hinawakan ang aking kamay. Inabutan din niya ako ng isang bottled water. "Drink water."
"Medyo okay naman na." Kaagad ko rin naman itong tinanggap at uminom ng kaunti. "Thank you."
Tuloy-tuloy na rin kaming pumasok sa loob ng hukuma
