Blossom
NAKARATING KAMI sa parte ng Laguna, ngunit bago namin matunton ang mismong lugar ay nilagyan nila ng piring ang aming mga mata.
"Para saan 'to?" tanong ko sa kanila.
"Lahat ng mga ipinapasok namin dito ay gusto naming makaramdam ng excitement, 'yong masusurpresa kayong lahat. Huwag kayong mag-alala, malapit na tayong makarating," sagot ni Noriel, at kahit hindi ko siya nakikita ay nararamdaman ko naman ang pagngisi niya.
"Noriel, gwapo po ba ang boss niyo? Ano pong hitsura niya?" bigla namang tanong ni Kiara. Nararamdaman ko nga ang excitement sa kanya, pero alam ko namang umaarte lang siya.
"Kung gwapo din lang ang pag-uusapan, mas gwapo ako sa kanya," sagot naman ni Noriel kasabay nang paghalakhak niya.
Nadinig ko ang pagtighim ni Erin sa tabi ko na parang masusuka na nam
