Walter
"Wesley, nasaan na kayo ngayon? Nakita niyo na ba si Lileth?" tanong ko sa kapatid ko na ngayo'y nasa kabilang linya ng phone ko. Huminto muna ako sandali sa pagmamaneho ng motorsiklo ko dito sa Victoria Laguna at tinawagan siya.
Inabot na ako ngayon ng alas siete ng gabi.
"Kuya, nasa Sta. Cruz Laguna na kami, sa MedStar Hospital. May nahingan kami ng tulong para ma-track ang kinaroroonan ni Lileth. Na-trace namin ang location ng cell phone number niya."
"May nangyari ba sa kanya?"
"Hindi pa namin siya makita. Patuloy pa rin namin siyang hinahanap sa buong hospital. Naririto na kami sa loob. Nahirapan pa kaming pumasok dahil mahigpit ang mga guwardya."
"Nasa Victoria na 'ko. I'm on my way there."
"Ingat, Kuya."
Kaagad ko na ring ibinulsa ang phone ko at muling nagpatuloy sa
