Carolline's POV
Nakatingin lang ako sa kalangitan habang inaalala 'yong mga nangyari kahapon. Nasa bintana lang ako ng kuwarto ko at wala akong planong lumabas. Alam kong nag-aalala na sila Mommy pero hindi ko magawang mag-kuwento sa kanila.
Hindi ako makapaniwalang magagawa niya ang bagay na 'yon sa akin. Kung sino pa 'yong pinagkakatiwalaan mo. Sila pa ang mananakit sa iyo.
Napapunas ako ng pisngi ko nang maramdaman ko ang pagtulo ng luha ko.
"Ma'am, may gusto pong kumausap sa inyo," rinig kong sabi sa labas ng kuwarto ko.
"Paki-sabi bumalik na lang siya bukas," sagot ko. Wala pa akong ganang makipag-usap sa kahit na sino.
Napalingon ako nang marinig kong may pumasok sa aking kuwarto. Pagkalingon ko nakita ko si Allen doon na nakatayo. Tumayo ako at tinignan siya ng diretso sa mata
