Carolline's POV
Napabuntong hininga ako nang makalapag ang private plane namin dito sa Pilipinas.
Pagkatapos kong malaman ang lahat kay Francis ay hindi ko na nagawang pansinin siya hanggang sa matapos ang isang linggo namin sa Paris at makauwi na nga kami rito sa Pilipinas.
Naalala ko na bago pa niya sagutin ang tanong ko, kung sino ba talaga siya ay mabilis na akong lumabas ng kuwarto niya at dumiretso na sa kuwarto ko. Pinilit kong alalahanin ang lahat pero wala akong maalala. Binuhos ko na lang sa pag-iyak ang mga nalaman ko sa kaniya.
Nakatingin ako sa labas ng bintana ng kotse. Patungo na kami ngayon sa bahay.
"Anak masama pa rin ba ang pakiramdam mo?" narinig kong tanong ni Mommy. Umiling lang ako bilang sagot. Narinig ko pa ang pagbuntong hininga niya. Alam kong napapansin nil
