Carolline's POV
Naglakad ako patungo sa tulay, patungo sa dalampasigan. Maraming magandang pinagbago sa lugar na ito. Wala pa ang tulay na ito noon. Hindi ako makapaniwala na makakabalik muli ako rito at hindi sa ganitong paraan.
Sa bawat paglakad ko ay ang paghampas ng hangin sa akin. Hinahangin ang belo at damit na suot ko. Kasabay ng lamig sa paligid ko ay ang panlalamig ng kamay ko dahil sa kaba.
Hindi ko mapigilang mapangiti nang unti-unti ko na silang nasisilayan. Nakita ko na sila Allen at ang parents nito. May kasama rin siyang babae na sa tingin ko ay girlfriend niya. Nandoon din si Miss Congo. Hindi ako makapaniwala na darating pa siya rito. Ngayon na lang kami muling nagkita.
Nakita ko naman ang parents ni Francis na kumakaway sa akin. May mga ibang tao rin na sa tingi
