Balitang-balita na ang paghahanap sa tagapagmana ng Triple El Calvo. Tatlong araw pagkatapos iyong ianunsyo ni Magda sa underground.
Ilang araw ko na ring kasama si Atalanta at Beta rito sa Italy.
Ginawa nila akong tour guide kahit na alam nilang mas marami pa akong ginagawa kaysa sa kanila. Ako na tour guide, pero mas marami pang alam ang dalawa sa lugar na ito.
"Ganyan talaga kapag in love. Matutulala na lang talaga at minsan kinakausap na rin ang sarili." Nakaupo kami sa couch ng private room na kinaroroonan namin. Inalis na ni Beta ang suot n'yang facemask. Para lang kasi maikubli ang suot n'yang maskara ay nagsuot pa ito ng facemask at salamin, plus sumbrelo.
Pero nang maalis n'ya ang mga iyon, nanatili pa rin ang maskara n'ya. May pagkakataong napapatitig ako sa mga mata nito
