"Best friend, sino bang kikitain natin dito?" tanong ko sa babaeng malawak ang ngisi na kumakain ng ice cream. Sirang-sira na ang mood ko kanina pa. Pero wala akong choice kung 'di samahan itong mamili ng ice cream at tumambay rito sa park.
Ang dami kong dapat atupagin, pero natakot ako sa banta nitong ipapakilala nito si Aurelia sa mga kaibigan nito. May kaibigan pa nga ba ito bukod sa akin?
Best friend? Nakakasuka naman ang salitang iyon.
"Wait ka lang d'yan." Sagot nito. Iniabot ko rito ang tissue dahil parang bata itong kumain ng ice cream. Inginuso pa nito sa akin ang labi. Kaya ang tissue na iniabot ko rito ay binawi ko at inilamukos ko sa nguso n'ya. Nakasalamin na nga rin pala ako, masakit ang mata ko sa suntok na ginawa nito. Black eye nga talaga ang labas no'n.
"Wala ka m
