"Mr. Arkanghel, pakibigay po ito kay Auring ko."
Iyon ang linyang sinabi ni Lion sa akin nang palabas na ako ng event hall. Dala nito ang kahon kung saan nakalagay sa loob ang alahas na nabili nito ng 15 million. Wala sana akong balak tanggapin iyon, ngunit may media na nag-aabang sa labas. Tanaw nila, pero hindi nila narinig. Marunong namang mag-ingat ang lalaking iyon.
Hindi na ako magugulat kong iisipin ng media na si Alatheia ang tinutukoy ni Leander na nais n'yang pagbigyan ng alahas. Si Alatheia lang naman ang kilala ng media, ng mga tao.
Narito na ako ngayon sa mansion. Tiyak kong tulog na si Aurelia sa mga oras na ito. Pero nagpasya pa rin akong pumanhik sa silid nito.
Bukas ang pinto, na s'yang ipinagtaka ko.
"Aurelia, apo ko!" dinig ko ang tinig ni Nana Gara. Ganitong o
