“Rome, anak, hindi ka na dapat pumarito pa. Bumalik ka na sa inyo,” halos pabulong na saad ni Nanay Lorna, mabilis naman akong umiling dahil doon.
“Wala po ba akong karapatang kilalanin ang totoo kong pamilya?” halos pabulong na tanong ko.
Mariin naman na pumikit si Nanay Lorna na parang nahihirapan din sa sitwasyon.
“Rome, anak, alam ko na hindi maayos ang relasyon niyo ng dad mo sa ngayon. Pero mas magiging maganda ang buhay mo sa kanila,” saad niya, ang boses niya ay halos nakikiusap na.
“Nay, sino ’yan?” narinig kong pasigaw na tanong nung isang lalaki, lumabas pa siya sa pinto at halatang nagulat nang makita ako.
Kahit ako ay nagulat kasi natatandaan ko ang mukha niya. Siya iyong taxi driver na lagi kong nasasakyan noong mga panahon na may problema kami ni Elliot. Siya iyong taxi
