“Okay ba talaga ang security rito, Zoe? Hindi ba sila magpapapasok ng hindi kilala sa subdivision?” tanong ko.
Pagkauwi kasi namin ni Zoe sa apartment niya ay agad niyang sinabi sa akin na may bakanteng unit sa tabi mismo ng tinutuluyan niya.
“Pinapapasok nila kahit na hindi taga rito basta mag-iiwan ng ID. Pero puwede nating ihabilin na huwag papasukin ang kung sino. Sabihin lang natin ang pangalan,” sagot naman niya kaya marahan akong tumango.
“Kukunin ko na agad ang unit. Baka puwedeng ikaw na ang kumausap sa may-ari?” pakiusap ko naman.
“Ako na ang bahala,” aniya.
“Salamat, bakla,” wika ko. “Tatawagan ko si Sandro mamaya para sabihin na susunduin ko sila bukas. Puwede muna siguro silang magtiis na matulog sa lapag kahit na ilang araw lang. Basta makaalis na sila ro’n,” mahabang sa
