Just like what we talked about, sabay sabay kaming kumain lahat sa kubi pagkaluto ng dinner namin. Alas siete na iyon ng gabi at medyo malakas nga ang simoy ng hangin, malamig iyon sa balat na siyang nakakatuwa.
“Grabe, ang ganda po rito kapag gabi,” namamanghang saad ni Sandro habang iginagala ang paningin sa paligid.
“Kapag nagka-girlfriend ka na puwede mo rin siyang dalhin dito,” nakangiting suhestiyon ni Lester, napangiwi naman ako tapos ay mabilis na umiling.
“Puwede mo lang gawin iyon kapag nakapagtapos ka na sa kolehiyo!” giit ko naman.
May tiwala naman ako sa kanya, pero hindi ko pa rin kasi alam ang mga puwedeng mangyari lalo na’t para sa akin ay bata pa siya. Baka lang kasi maaga siyang makabuntis.
“Ang sarap ng luto mo, bakla!” pag-iiba naman ni Zoe ng usapan, nakangiti pa
