Hindi na mawala sa isip ako ang nangyari kanina. Hindi pa rin ako makapaniwala na nagsinungaling si Elliot, hindi lang sa akin kung hindi naging kay kuya Aries mismo na matalik niyang kaibigan.
Lagi kaming nag-uusap? Ni hindi nga niya sinasagot ang mga tawag ko. Kung ano man ang dahilan niya kung bakit niya ginagawa ito ay hindi ko alam. Pero nasasaktan ako ng sobra.
Kahit na anong pilit ko na huwag nang isipin iyon ay hindi ko magawa. Pero gano’n pa man ay pinipilit kong maging okay sa harap ng pamilya ko.
“Oo nga pala, Nay,” saad ni mom habang kumakain kami. “Bago kami umalis ni Aries kanina sa bahay ay may taxi driver sa labas at may kasama iyong babae. Hinahanap nila kayo,” pagkukuwento pa niya.
Natigilan naman ako dahil sa narinig. Alam ko na sina Banjo at Vicky ang mga iyon. Hin
