NANG dumating sila sa headquarters ay sinabi ni Gen kay detective na huwag ng banggitin ang tungkol sa pera dahil baka mahihiya pa si Alexis o 'di kaya magalit sa kanya. Nangako naman si Divlen na hindi niya ito banggitin sa dalaga. Ikinuwento na rin niya sa partner niya ang nalalaman tungkol sa buhay ni Alexis. Kahit si Jester ay nakaramdam ng awa sa dalaga at handa rin itong tumulong kung tatanggapin ito ni Alexis.
Lunch-break ay tinawagan ni Divlen si Alexis at inimbitahan nila ito para makasabay sa lunch nila. Hindi naman naman tumanggi ang dalaga, bagkus masaya ito.
Naunang dumating ang mag-partner sa restaurant at nag-order na rin sila ng mga pagkain. At sakto naman ang pagdating ng dalaga ay hinatid ang kanilang mga orders.
"Sorry, inspector, detective. Medyo late ang pagdatin
