Merrick's Point of View
"Anong ginagawa mo rito?" nanlalaki ang mga matang tanong ng babaeng nasa harapan ko. May hawak siyang kahoy at nakadikit pa rin sa noo ko na ngayon ay kumikirot matapos matamaan nito.
Hindi ako nakasagot agad dala na rin ng gulat.
Ikaw ba naman ang biglang hambalusin matapos mong gumising sa masarap na pagtulog. Pakiramdam ko'y bumukol ang hampas niyang iyon. Ang lakas kasi. Iba rin pala ang lakas ng isang babaeng tao.
"D-Dito ako nakatulog sa sobrang pagod kagabi," sagot ko. Kalating totoo at kalahating hindi. Busog na busog kasi ako ng mga prineserbang prutas. Itinago iyon ni Damian para sa akin sa isang sulok sa silid kung saan niya ako naabutan nitong babaeng ito. Nilantakan ko kaninang madilim pa at sa kabusugan ko'y rito na ako inabutan ng pagsikat ng ar
