I SEE A MONSTER
CHAPTER 38
MALALIM na ang gabi ngunit sinusuyod pa rin ni Arkanius ang buong lungsod upang matagpuan at makausap sina Aro. Pakikiusapan niya ang mga ito na itigil na nila ang kanilang mga ginagawa. At makikiusap din siyang huwag nang tuparin ang utos ng kanilang amang hari. At kung may papatayin pa sila sa mga sumusunod na araw ay mapipilitan na siyang kalabanin ang mga ito. Labag man sa kanyang kalooban subalit hindi na makatarungan ang mga ginagawa nila sa mga tao. Wala silang karapatang patayin ang mga ito kahit pa sabihing masamang tao sila. Hindi sila ang katarungan, at lalong hindi nila mundo ang kanilang ginagalawan.
Sa pagsusuyod ng binata ay nakarinig siya nang mga sigaw at boses ng maraming tao. Nagmumula ito sa pusod ng kagubatang naroon. Walang sinayang na sa
