"MAGANDA ba siya? Mabait? Anong ugali at katangian ang mayroon siya? Mayroon ba kaming pagkakapareho? Anong mayroon siya na wala ako?" out of nowhere ay tanong ni Anamor na ikinakunot ng noo ni Marco. Kasalukuyan silang nasa ilog at pareho lang silang nakaupo sa ibabaw ng malaking bato habang pinanonood ang mga maliliit na isda na lumalangoy sa mababaw na parte ng ilog.
"Huh?" naguguluhang tanong niya sa dalaga at kunot-noong bumaling sa direksyon nito.
"'Yong babaeng una mong minahal. Gusto kong malaman ang ugali at katangian na mayroon siya. At kung ano ring mga katangian ang nagustuhan mo sa kanya," wika nito habang hindi tumitingin sa kanya. Huminga siya nang malalim nang mapagtantong si Phoenix pala ang tinutukoy nito. Pinagmasdan niya ang naka-side view na mukha ng dalaga at nababa
