"EXCITED ka ba para bukas?" tanong ni Marco kay Anamor habang nakayakap ang binata sa kanya buhat sa likod. Hinahaplos nito ang kanyang impis pang tiyan na madalas nitong gawin kapag magkasama sila.
Sobrang saya ni Marco sa pagdadalang-tao niya at naging doble ang pag-aalaga nito sa kanya buhat nang malaman nitong nagdadalang-tao siya. Hindi na rin ito bumalik sa bahay na tinutuluyan nito at sa bahay na nila ito tumira na wala namang naging problema sa kanyang ama. Ikakasal na rin naman sila kaya sa kuwarto na rin niya natutulog ang binata.
Kasalukuyan silang nasa labas ng bahay habang pinanonood ang mga taong abala sa preparasyon para sa kasal nila sa susunod na araw. Doon ang magsisilbing reception ng magiging kasal nila. At halos lahat ng trabahante sa hacienda ay nandoon para tumulo
