KINABUKASAN, naalimpungatan si Marco nang may maramdamang gumalaw sa tabi niya. Dahan-dahan niyang iminulat ang kanyang mga mata at natigilan nang masilayan ang magandang mukha ng babaeng pinakamamahal niya. Ilang minuto siyang natigilan habang nakatitig sa mukha ni Anamor at may sumilay na ngiti sa kanyang labi bago napailing dahil nananaginip na naman siya, parte lang iyon ng panaginip niya kagabi kung saan niya nayakap at nahalikan ang dalaga.
"Good morning, mi amor..." bati ni Marco sa natutulog na dalaga at hinalikan ito sa labi. Malawak siyang napangiti dahil muli na naman niyang nahalikan si Anamor na tanging sa panaginip na lang niya nagagawa. Ipinikit niya ang mga mata habang magkalapat ang mga labi nila at sinulit niya ang pagkakataon habang hindi pa siya nagigising buhat sa mag
