PINASADAHAN ni Anamor ng tingin ang kanyang kabuuan sa harap ng malaking salamin habang suot ang nakagawian niyang suotin habang naliligo sa ilog, loose shirt at shorts. Nagdesisyon siyang iyon na ulit ang suotin dahil wala ring silbi ang ginagawa niyang pang-aakit kay Marco. Naaapektuhan man ito sa ginagawa niya pero malakas ang pagpipigil nito sa katawan kaya wala ring silbi ang lahat ng ginagawa niya at kahit yata maghubad siya sa harapan ni Marco ay makakaya siya nitong ignorahin.
"Ano pa bang kulang sa akin? Maganda naman ako at sexy. Mabait rin naman ako, hindi nga lang marunong magluto..." wika ni Anamor habang nakatitig sa sariling repleksyon sa salamin. Napasimangot siya sa huling sinabi. Bakit ba kasi hindi siya marunong magluto? Dapat pala ay pinilit niyang matuto noong tinutur
