"H-HINDI magandang biro 'yan, Marco. Nagbibiro ka lang, 'di ba?" nanginginig ang boses na wika ni Anamor na parang pinipigilan lang nito ang pag-iyak. Bakas din ang sakit sa tono ng boses nito na lalong ikinadurog ng puso ni Marco.
Sana nga, mi amor. Sana nga ay biro lang ang lahat, sana nga ay panaginip lang ang araw na ito at hindi ito lahat totoo...
"Seryoso ako sa sinabi ko, Anamor. Itigil na natin ang namamagitan sa ating dalawa," seryosong wika ni Marco at lakas-loob na nagmulat ng mga mata para tingnan sa mga mata ang dalaga.
Ikinubli ni Marco ang emosyon at malamig na nakipagtitigan kay Anamor. Nakalarawan sa mga mata nito ang sakit at may nagbabadyang luha na rin ang gustong kumawala roon. Inalis nito ang mga kamay sa magkabila niyang pisngi at ibinaba iyon, hindi nakaligtas s
