Namanhid ang buong katawan sa kabiglaan si Camilla nang makita si Adonis na nakahalukipkip habang nakasandig sa may pinto ng kusina. Matiim ang tingin nito na tila ba narinig lahat ang naging usapan nila ni Manang Rosa.
"A-Ano'ng ginagawa mo diyan? K-Kanina ka pa ba diyan?" maang na tanong sa lalaki.
Hindi sumagot ito bagkus ay matiim ang tinging ibinibigay sa kanya kaya napuno ng tensyon ang kanyang dibdib.
Nang wala siyang mahitang kasagutan mula kay Adonis ay lalampasan na sana ito nang mabilis nitong hawakan ang braso niya. Halo-halo ang emosyong umaalipin sa kanyang kaibuturan sa sandaling 'yon, parang gusto niyang magsisi sa pang-uusisa sa buhay nito.
'Dapat lang,' singit ng isipan. Naibigay ang lahat sa lalaki kaya karapatan niyang malaman ang tungkol rito, nakaraan man o ngayon
