Uhaw na uhaw si Camilla kaya dumeretso siya sa kusina matapos iwan sina Kuya Rudy at Adonis sa may garahe. Mukhang may pag-uusapan pa kasi ang dalawa kaya nagpaalam na siyang mauuna. Nang makakuha ng bottled water ay naisipang magpahangin muna sa labas gamit ang maliit na pinto papalabas sa harden.
Ilang sandali siyang nakaupo sa harden at nagmumuni-muni. Napapapikit siyang napapasandal sa kinauupuang bench. Hindi nagtagal ay sumiksik ang eksena kung saan ay may nakabungguan silang babae. Sumisingit pa sa isipan ang naging reaksyon ni Adonis, batid niyang kilala nito ang babae lalo na hindi na ito kumikibo noong nasa loob na sila ng sasakyan pauwi.
"Savannah," usal niya nang maalala ang sinabing pangalan ni Kuya Rudy kanina. Sinabi nitong nakita raw niya si Savannah. 'Sino siya?' maang s
