Iyong saya na naramdaman ko kanina sa sunflower farm, at sa sariwang hangin ay biglang naglaho pagkakita ko kay Gracie.
Alam kaya ni Adam na andito si Gracie? Malamang. Boyfriend siya di ba? Kung alam niya, bakit pa niya ako isinama dito?
Masusi kong pinagmasdan si Gracie. Umaga pa lang pero pusturang-pustura na ito. Pang- pageant na agad ang datingan. Wala mang make-up sa mukha pero halata mo na alaga niya ang kutis niya. Wala nga yata ni isang skin pore akong makita sa mukha niya!
Samantalang ako? Bagong gising, at hindi man lang nakapaghilamos. Baka nga may muta pa nga ako sa mata o natuyong laway sa mukha.
"Babe, kasama nga pala namin si Hannah," sabi ni Adam, sabay turo sa akin.
Hindi ko alam kung paano ko nagawang ngumiti kay Gracie, kahit para nang tinutusok-tusok ang dibdib k
