"How come na hindi na matutuloy ang kasal ninyo ni Gracie?" matapang kong tanong.
Hindi ko alam kung saan nanggaling ang lakas ng loob ko na tanungin si Adam. Pero parang nagsisi ako na itinanong ko pa. Bigla akong na-tense sa isasagot niya. Todo na ang pagtambol ng dibdib ko. Sa sobrang lakas nga nito pakiramdam ko naririnig na ni Adam ito.
Huminga ng malalim si Adam. Inalis ng isang malayang kamay niya iyong apron na nakasuot sa katawan niya at saka niya ako inakay sa sofa. Ibinaling niya ang tingin niya sa TV kahit na naka-off naman 'yun. Hawak pa rin niya ang isang kamay ko na tila dun siya kukuha ng lakas ng loob para magsalita.
"Si Gracie... para sa akin... ang perfect girlfriend. Perfect wife..." umpisa nito.
Ouch! Nakakasakit ka Adam, ha....
Sinubukan kong hatakin ang kamay ko
